Основното училиште „Св.Климент Охридски“ помогнато од Локалната самоуправа ги заврши подготовките за учество во УНЕСКО кампот кој ќе се одржи во Пиран, Словенија од 07-11.10.2013 година и Кикинда Р.Србија од 10-14.10.2013.
Тројца ученици и еден ментор ќе го претставуваат училиштето, градот и државата во Пиран заедно со осум други училишта од Европа и тројца ученици и двајца ментори ќе го преставуваат во Кикинда.
ОУ „Св.Климент Охридски“ е единствено училиште во државата кое е вклучено во УНЕСКО камповите, чија цел е размена на искуства (учество во различни работилници-ученици ментори), промоција на градот (секое училиште има свој штанд на кој се поставува прапаганден материјал од градот и се дели на учесниците и минувачите), запознавање на културата-традицијата (се поставуваат традиционални јадења и се дегустираат истите) на сите учесници.
