Македонската ракометна репрезентација со пораз од актуелниот европски првак Данска го започна Европското првенство кое се одржува во Данска.
Македонската репрезентација натпреварот го започна доста слабо, играа слабо во одбрана, а без реализација во напад, додека пак домашните беа расположени за игра и уште на самиот почеток на натпреварот дојдоа во водство од 5-0. Во продолжение на првото полувреме нашите ракометари успеаа да постигнат некој гол со што предноста беше намалена, па Данците на полувреме заминаа со резултат 12-8.
Второто полувреме не беше многу поразлично од првото. Данците покажаа дека се фаворити на овој натпревар. Нашите генерално не делуваа како што треба на теренот, а домаќинот рутински ги завршуваше акциите, со што поразот беше неизбежен. Данска со резултат 29-21 го доби овој натпревар.
Во рамките на Групата А, покрај Данска и Македонија се и Австрија и Чешка. Австрија ја победи Чешка со 30-20 и моментално се наоѓа на првото место во групата.
Во вторник (14 јануари) Македонија ќе игра против Чешка во 18:15 часот.
WebOhrid