Општина Охрид испрати контрареакција на ОО на ЛДП Охрид, во која стои:
„Малкумина од ОО на ЛДП за ваше добро, ви препорачуваме да ги земете книгите по економија и право и да го проучите законот за јавни набавки со цел да се стекнете со основни познавања од областа на јавно -приватно партнерство и на тој начин конечно да престанете јавно да се бламирате со празни, во најмала мера глупави соопштенија.
Малкумина од ЛДП ви порачуваме, најпрво да се образувате и едуцирате за да не бидете смешни со ниски испади пред возрасните но и пред децата од пред школска возраст кои најверојатно повеќе од вас знаат што е тоа јавно приватно партнерство.
Наместо да се замајувате себеси (затоа што другите не можете), со чаршиски муабети ви препорачуваме во иднина да се служите со факти, вистини и аргументи кои за жал за вас се се уште само апстрактни поими.
Со ваквите соопштенија, вие покажувате дека сте и слепи и глуви, односно не сте подготвени да прифатите современо менаџирање и работење на јавните претпријатија. Жално за вас!
Во вашите соопштенија полесни и од детски приказни не верува никој. Охриѓани никогаш нема да потклекнат на вакви импровизации!“– стои во контрареакцијата на Општина Охрид.