Денес министерката за внатрешни работи, Гордана Јанкулоска престојува во работна посета на Министерството за внатрешни работи на Република Србија, при што оствари официјална средба со Министерот за внатрешни работи д-р Небојша Стефановиќ. Ова е прва средба на двајцата министри откако го добија својот мандат на оваа функција.
Покрај оценките за исклучително позитивната соработка, двајцата министри ја искористија средбата и да го потпишат Договорот меѓу Владите на Република Македонија и Република Србија за реципрочно признавање на возачките дозволи, кој е од исклучителна важност за граѓаните на двете држави, што по било која основа престојуваат на териториите на двете држави.
Во рамки на посетата, двајцата министри ќе го посетат и Центарот за основна полициска обука во Нови Сад.