Екипи на Јавното претпријатие „Нискоградба“, по налог на Секторот за комунален развој , сообраќај и улици денес започнаа со бележење и дислокација на такси станиците на територијата на Општина Охрид. Процесот на обележување на такси- станиците ќе се одвива паралелно со обележувањето на хоризонталната сигнализација и меѓусебно ќе се координираат и надополнуваат. Акцијата започна на улицата “Јане Сандански“ на потегот кај некогашниот Мини-маркет и на кружниот тек кај Општата Болница. По завршувањето на обележувањето на такси -станиците и дислокација на дел од нив, согласно одлуката на Совет на Општина Охрид, ЈП „Нискоградба“ заедно со стручните служби на Секторот за комунален развој,сообраќај и улици ќе пристапи кон бележење на старите и нови автобуски постојки.
Процесот на означување на хоризонталната сигнализација и такси- постојките на територијата на Општина Охрид се одвива во координирана активност со СВР Охрид и Секторот за сообраќај и безбедност на патиштата,за што истите се уредно известени од Секторот за комунална дејност,сообраќај и улици при Општина Охрид.
