На 3-ти ноември(понеделник), премиерно пред охридската публика, ќе се прикажува најновото филмско остварување „До Балчак” на режисерот Столе Попов.
„До Балчак” е работен по сценарио на Горан Стефановски, ко-сценарист Столе Попов, директор на фотографија е Апостол Трпевски, музиката е на Дуке Бојаџиев, сценограф Миленко Јеремиќ, костимограф Емилија Ивановска, а главните улоги ги толкуваат: Инти Шрај, Мартин Јордановски, Сашко Коцев, Тони Михајловски, Мики Манојловиќ, Искра Ветерова, Никола Којо, Сенко Велинов, Никола Ристановски.
Филмот „До Балчак“ ќе се прикажува во Центарот за култура „Григор Прличев“, со почеток во 20.00 часот, а влезот ќе чини 100 денари.