Заменик министерот за внатрешни работи м-р Митко Чавков денес и утре (18/19.11) во Софија, Република Бугарија,учествува на средбите на министрите за внатрешни работи во рамки на Салцбург Форумот (чиишто актуелен претседавач е Бугарија) и Конвенцијата за полициска соработка на земјите од југоисточна Европа чиишто, пак, актуелен претседавач е токму Република Македонија.
Предвидено е во рамки на Салцбург Форумот замени министерот Чавков да има свои излагања околу миграцијата низ западно-балканската рута како и околу ЕУ перспективите на земјите од западниот Балкан. Исто така заменик министерот Чавков че има свои обраќања и во рамки на состанокот на PCC SEE, и тоа околу правната основа на PCC SEE во контекст на справување со заканите кои се јавуваат од зголемениот проток на мигранти како и за стратешката и практична ориентација на процесот за имплементација и идната финансиска поддршка.