Министерот за внатрешни работи, Оливер Спасовски одржа протоколарна средба со Амбасадорот на Соединетите Американски Држави во Република Македонија, Н.Е. Џес Бејли и Програм менаџерите и претставници од Амбасадата Дејвид Стефенсон, Џаред Турман, Ричард Хатлер, Џорџ Кларк и Метју Хенд.
Министерот Спасовски ја презентираше актуелната политичко-безбедносна состојба во земјава и ги истакна своите заложби како министер за доследно почитување на законитоста и професионалноста во работата на вработените лица на Министерството. На средбата, исто така, тој ја претстави и моменталната ситуација од аспект на бегалската криза, потенцирајќи дека Република Македонија презема се што е во нејзина моќ за да ја осигура безбедноста на своите граѓани и да пружи хуман третман на мигрантите кои транзитираат низ Република Македонија.