ОО на СДСМ Охрид испрати соопштение до медиумите во кое стои:
„Никола Бакрачески на последната седница на Советот на општина Охрид не одговори на ниту едно од поставените советнички прашања.
Градоначалникот Бакрачески немаше одговор дали и кога ќе се гасифицира Охрид.
Немаше одговор дали и кога ќе се изгради домот за стари лица во Охрид.
Бакрачески не им одговори на граѓаните од улиците Ристо Чадо и Питу Гули зошто при реконструкцијата на улиците не е заменета водоводната инсталација стара над 40 години.
Ниту дали ќе се изгради спортска сала и фудбалското игралиште во с. Лескоец.
Дали ќе се реши проблемот со поплавувањето на делови од градот или кога ќе се направи атмосферска канализација на критичните места во градот и околните села.
Граѓаните знаат дека Никола Бакрачески ниту има со што да се пофали, а ниту планира да направи нешто за охриѓани.
„Дил ориентед“ политиките на Никола Груевски и виртуелните проекти Охрид го ставија на првото место по бројот на иселени млади луѓе.
Времето на Никола Бакрачески и Никола Груевски помина.
Збогум Никола!“ – стои во соопштението од ОО на СДСМ Охрид.