За академската 2016/2017 година, Шведскиот институт доделува 16 стипендии наменети за кандидати од земјите од Западен Балкан, за магистерски студии, дел од докторски студии и пост-докторски истражувања од повеќе области, вклучувајќи: демократија, човекови права и родови прашања; економија и менаџмент; студии за животна средина; европски студии; право; и социјални и политички студии.
Стипендијата за магистерски студии ги покрива трошоците за школарина, животните месечни трошоци и здравственото и имотно осигурување, а на стипендистот му се доделува и еднократен надоместок за патните трошоци. Стипендиите за докторски студии и пост-докторски истражувања ги покриваат животните трошоци во времетраење на програмата.
Заинтересираните кандидати за стипендијата за магистерски студии, процесот за пријавување треба да го започнат најдоцна до 15.01.2016 година. Повеќе информации за условите и критериумите за пријавување се достапни на:
Краен рок за пријавување на кандидатите заинтересирани за стипендиите за докторски студии или пост-докторски истражувања е 16.01.2015 година.Повеќе информации се достапни на: https://eng.si.se/areas-of-operation/scholarships-and-grants/si-scholarships-for-the-western-balkans-for-phd-studies-and-postdoctoral-research/