Вчера во Министерството за внатрешни работи на Република Македонија се одржа состанок меѓу делегација на Министерството за внатрешни работи на Република Македонија предводена од Министерот за внатрешни работи Оливер Спасовски и Известителите на Комисијата за почитување на обврските и заложбите на земјите-членки на Советот на Европа Лисе Кристоферсен и Валериј Гилетчи и секретарот на Комисијата за мониторинг Силви Афхолдер.
Министерот за внатрешни работи и Известителите на Комисијата за почитување на обврските и заложбите на земјите-членки на Советот на Европа, имаа можност да разговараат и да разменат информации главно за статусот на имплементацијата и доследното и суштинско исполнување на обврските на Договорот од Пржино, особено подготовките за обезбедување на фер и демократски изборен процес и мерките кои во тој правец ги презема Министерството за внатрешни работи на Република Македонија.