По извршена контрола што СВР Охрид, на шести овој месец ја изврши со надлежните служби од општина Охрид, ставени се во функција светлосните сообраќајни знаци-семафори на раскрсницата на улиците „Питу Гули“ и „Марко Нестороски“ во Охрид.
На овој потег во близина на основното училиште „Христо Узунов“, семафорите ќе работаат во следниве интервали: 15 секунди црвено светло за возачите од сите страни на раскрсницата, а за тоа време зелено светло дозволено за минување на пешаците на сите страни, трепкаво жолто светло за сите возачи во траење од 65 секунди, а за истото време од 65 секунди црвено светло за пешаците за движење на сите страни на раскрсницата. Во тој временски период, за возачите ќе важат класичните сообраќајни знаци и примена на правилата за првенство на минување.
Во врска со новиот функционален режим на работа на семафорите на раскрсницата меѓу улиците „Питу Гули“ и „Марко Нестороски“, остварен е контакт со директорот на основното училиште „Христо Узунов“, Тони Симоновски, со цел запознавање на учениците од училиштето за новиот систем на работа на семафорите како и за почитување на правилата и прописите за безбедно поминување преку сообраќајната раскрсница.
Со цел подигнување на безбедноста во сообраќајот и почитување на сообраќајните правила и прописи, СВР Охрид на овој потег ќе има присуство на полициски службеници од полициската станица за безбедност во патниот сообраќај Охрид.