Стратешката задача поставена од градоначалникот Александар Петрески за засилена промоција на охридската туристичка понуда, успешно се реализира во соработка со туристичките работници на неколку туристички саеми, а особено успешен беше настапот на Туристичкиот саем во Белград, Република Србија, кој се одржа од 21-24.02.1013 година.
Промоцијата на Охрид и Македонија се изврши под слоганот „ВЕ ЧЕКАМЕ И ОВАА ГОДИНА“, на брендираниот штанд „Македонија вечна“ и на прес коктелот кој за српските медиуми туроператори и агенции се одржа на 22.02.2013 во свечената сала на Белградскиот Саем.
Претставувањето на Охрид и Македонија предизвика посебно внимание во електронските и пишуваните медиуми. Според многумина од присутните, Охрид беше, туристичката дестинација за која на Туристичкиот саем најмногу се зборуваше.
Голем број од најугледните српски дневни весници, туристички ревии и списанија објавија текстови за Охрид. Вчера, во дневникот на најгледаната телевизија на Балканот – ТВ Пинк гостите од Охрид беа главна тема, а исто така учествуваа и во сателитската програма на РТРС.
На Белградскиот Саем, градоначалникот на општина Охрид, Александар Петрески, доби Благодарница од Националната Ревија Туризам 2013, за посебните залагања во промоцијата на Охрид.