Од МЈП „Проаква“ ги известуваат граѓаните за превенција од мрзнење на водомерите и водоводната инсталација. Од таму додаваат дека како последица на зимските температури постои можност за разни дефекти на водомерите предизвикани од мрзнење, затоа е потребно истите да се заштитат.
„Посебно ги известуваме сите наши корисници кои се сопственици на викенд куќи, а не живеат постојано во нив да ја испуштат водата од главниот шибер за да не замрзне водата со што би се спречило пукање на цевки и слични дефекти.
КАКО ДА ГО ЗАШТИТИТЕ ВОДОМЕРОТ ОД МРЗНЕЊЕ ?
– обвивање на водомерот со изолационен покров
– покривање на шахтата со изолационен материјал (тервол, стиропор)
НАПОМЕНА: Се известуваат корисниците дека за пукнато стакло на водомер се наплаќа 600,оо ден.“ – соопштуваат од МЈП „Проаква“.