Tag: дожд

Од утре Македонија ќе потпадне под влијание на многу студена воздушна маса од север што ќе услови појава на засилен северен ветер и значителен пад на температурата. Како што најави УХМР, врнежите во попладневните часови на планините и на повисоките места ќе преминуваат во снег. Од вторник ќе биде многу студено и ветровито, а можен е снег и во пониските делови. Дневната температура на места ќе се задржи околу нулата.

Времето денес ќе биде облачно со врнежи од дожд. На повисоките планини се очекува да падне снег. Според УХМР, пообилни врнежи ќе има во попладневните часови во северозападните и североисточните делови на земјата, а ќе дува умерен до засилен југозападен ветер.Минималната температура ќе се движи од четири до 10, а дневната од 10 до 16 Целзиусови степени. За утре метеоролозите најавуваат променливо облачно и посвежо време со сончеви периоди, а утринските температури на одредени места од земјата ќе се спуштат и под нулата.

Утре и во среда ќе има локален дожд со појава на ретки грмежи. Ќе дува умерен до засилен западен и југозападен ветер, кој повремено ќе достигнува брзина и над 70км/час. Потоа од четврток во поголемиот дел од земјава ќе преовладува стабилно и потопло време, а во источните делови е можна изолирана појава на краткотраен дожд. Извор:Нет Прес